चिल्लो खान डराउनुहुन्छ ? यसका फाइदा पनि छन् !

सामान्यतया मानिसहरु चिल्लो भएका खानेकुरा खाँदा स्वास्थ्यलाई बेफाइदा गर्ने र मोटाइने ठान्छन् । तर चिल्लो पदार्थ भएका खानेकुराका थुप्रै फाइदा पनि छन् । भनिन्छ चिल्लो खाँदा यसले रगतको धमनीमा अवरोध गर्छ र मान्छे मोटो हुन्छ तर खासमा कतिपय चिल्लो पदार्थले मुटुलाई समेत फाइदा गर्ने अध्यनले देखाएको छ । यसै वर्ष बेलायतको हार्ट फाउण्डेसनले गरेको एक शोधमा चिल्लो पदार्थ हुने घिउ, दुध तथा यस्तै चिल्ला पदार्थले मुटुका रोगबाट बचाउँने तथ्य फेला पारेको हो । यी खानेकुरामा हुने मारगारिक एसिड नामको पदार्थले मुटुको रोगबाट बचाउने अध्यनको दावी छ । यद्यपी कतिपय विशेषज्ञले यो अध्यनलाई अधुरो र भ्रामक समेत भनेका छन् । क्यमब्रिज विश्वविद्यालयका जनस्वास्थ्य विभागका प्राध्यापक केटी ख्वाले आफ्नो सोध जंकफुडलाई प्रोत्साहित गर्न नभएको बताए । यद्यपी मानिसहरुले आमरुपमा सोंच्ने जस्तो तैलीय पदार्थका वेफाइदामात्र नभएको उनको भनाइ छ । मुटुका लागि घातक मानिएका यस्ता खाद्य पदार्थमा हुने तैलीय तत्व मुटुकै लागि राम्रो हुने अध्यनको दावी छ ।