केजरीवालको भविष्यवाणी -मोदीले विहारमा चुनाव हार्छन्

नेपालको सीमावर्ती भारतीय राज्यमा हुन लागेको चुनावमा प्रधानमन्त्री नरेन्द्र मोदीको पार्टी भाजपाले पराजय भोग्ने भविष्यवाणी अरविन्द केजरीवालले गरेका छन् । केही दिन अघि बिहार आएर चुनावी प्रचारमा जुटेका नरेन्द्र मोदीको बिहार भ्रमणले पनि भाजापाको पक्षमा माहौल नबनेको बताइएको छ ।

 मोदीको पार्टीलाइ पत्तासाफ गर्दै दिल्लीको मुख्यमन्त्री बनेका अरबिन्द केजरीवालले बिहारमा भारतीय जनता पार्टीले चुनाव हार्ने र सत्तारुढ नीतिश कुमारको पार्टीले चुनाव जित्ने भविष्यवाणी गरेका हुन् ।

 आफूलाई प्राप्त जानकारी अनुसार बिहारमा नीतिश कुमारको माहौल देखिएको र मोदीको पार्टी पराजित हुने निश्चित रहेको उनको भनाइ छ । शुरुमा मोदीका पोष्टर छापेर बिहारमा चुनाव प्रचार गरेको भाजपाले पछिल्लो समयमा भने स्थानीय नेताहरुका पोष्टर प्रकाशित गरेको बताइएको छ ।